今日終於都有時間開返個ac

其實之前見到nike個廣告........自己諗o左好耐......到底......咩係再生呢??

係咪去到一個低潮,反彈之後就係再生呢??定係真係要去到接近死亡o既領域.........驀然被救.........醒返之後先係再生呢!?

其實我覺得前者係大部份人對"再生"o既定義........而.......我亦唔見得有人會否定後者係"再生"最貼切o既定義。

不過.......後者對大部分人o黎講都係唔想有咁o既機會。而前者......儘管每個人都會有高低起跌......但.....一諗到要經歷一個低潮......咁樣o既再生又好似幾討厭!

其實點解再生一定要經過谷底呢!?無經歷過低潮就唔算係再生咩??或者作一個反問.......係咪經歷過低潮........咪就一定係"再生呢?

其實我自己對"再生"又有另一種睇法!!對我o黎講........"再生"等於四個字"脫胎換骨"。簡單d即係個人唔同o左!

所以對於d咩谷底反彈呀，重新做人呀咁o既定義........完完全全係bull shit!(請恕我直言)

我覺得只要個人係成長o左(成長.....係指mentally而唔係physically)每時每刻都可以係再生。反之就算走出十個、或者一百個低谷.....但個人無成長到........咁樣又點算得上係再生呢?